Siońnia startuje daterminovaje hałasavańnie — adzin z elemientaŭ falsifikacyj
Hałoŭnaja «intryha»: kolki napišuć pracentaŭ.
Vybary ŭ 2019 hodzie. Fota: «Naša Niva»
Siońnia ŭ Biełarusi startuje daterminovaje hałasavańnie na vybarach u Pałatu pradstaŭnikoŭ i miascovyja saviety deputataŭ. Adziny dzień hałasavańnia tradycyjna projdzie ŭ niadzielu (sioleta heta 25 lutaha).
Učastki buduć adkrytyja z aŭtorka pa subotu z 12:00 da 19:00.
Daterminovaje hałasavańnie jość u inšych krainach. Tak, u druhim tury na prezidenckich vybarach u Finlandyi jano skłała 46 pracentaŭ. Ale ŭ Biełarusi daterminovaje hałasavańnie — heta mahčymaść falsifikacyj.
Na parłamienckich vybarach u 2019 hoda Centrvybarkam zajaviŭ, što daterminova prahałasavali 35,77 pracentaŭ vybarščykaŭ. Ahulnaja jaŭka «skłała» 74,68 pracenta.
Tady ŭ listapadzie 2019 hoda ŭ parłamient nie zdoleŭ prasačycca nivodny apazicyjny kandydat.
Na vybarach-2015 takich było dva: Alena Anisim i Hanna Kanapackaja na 110 deputataŭ.
Čytajcie taksama:
Jak falsifikujecca vybary ŭ Biełarusi. Siem etapaŭ padmanu
Jak vyhladajuć debaty na BT: manałohi kandydataŭ, a paśla dźvie chviliny abmierkavańnia Kurapataŭ
Adnolkavyja vystupy kandydataŭ u deputaty na telebačańni narabili śmiechu ŭ sacsietkach VIDEA