U škołach mohuć uvieści adziny dres-kod i dla nastaŭnikaŭ
Pra toje, što ŭ biełaruskich škołach chočuć uvieści adzinuju formu dla vučniaŭ, havorka viadziecca daŭno. Ale jość peŭnyja prajavy taho, što prynamsi ŭ niekatorych rehijonach krainy zadumvajucca pra adziny dres-kod nie tolki dla vučniaŭ, ale i dla piedahohaŭ, zaŭvažyŭ «Matolka Pamažy».
Va ŭpraŭleńni pa adukacyi Minskaha rajvykankama paviedamili, što šerah škoł Minščyny ŭžo ŭvioŭ adziny styl adzieńnia dla nastaŭnikaŭ. Publikacyja pra heta maje nazvu «Minski rajon — za dres-kod piedahohaŭ!» i ŭ jo prademanstravany adziny styl ubrańnia školnych nastaŭnikaŭ u Zasłaŭi, Kałodziščach, Sienicy i ŭ vioscy Rahava.
U publikacyi havorycca, što škoły, maŭlaŭ, samastojna vyznačyli patrabavańni da źniešniaha vyhladu rabotnikaŭ, ale toje, što heta nabyło masavy charaktar i supała ŭ časie, daje padstavu mierkavać, što havorka idzie pra centralizavanuju inicyjatyvu, jakuju kiraŭnictva škoł tolki pravodzić u žyćcio.
Ekśpierty manitorynhavaj hrupy pa adukacyi @iSANS_Belarus ličać, što ŭviadzieńnie paŭnavartasnaha adzinaha stylu ŭ vopratcy piedahohaŭ — całkam vierahodnaje, asabliva kali ŭličvać biahučyja tendencyi, skiravanyja na ŭsieahulnuju ŭnifikacyju.
Čytajcie taksama:
Sabrać dzicia ŭ škołu: ceny paraŭnoŭvajuć baćki ŭ Biełarusi, Litvie i Polščy
U minskich škołach z nastupnaha hoda padumvajuć uvieści adzinuju formu — ź dziaržaŭnaj simvolikaj
Jak sabrać dzicia ŭ škołu z najmienšaj škodaj dla jaho zdaroŭja