Abmierkavańnie rekanstrukcyi Kalvaryi ŭ Minsku skončyłasia
U harvykankamie paviedamili, što «namiačajucca ramontna-adnaŭlenčyja raboty u kaściole».
Fota: poshyk.info
U Frunzienskim rajonie Minska zaviaršyłasia hramadskaje abmierkavańnie architekturna-płanirovačnaj kancepcyi rekanstrukcyi katalickaha chrama, pachavalniaŭ i bramy na Kalvaryjskich mohiłkach. Abmierkavańnie, jakoje prachodziła 5-19 lutaha, skončyłasia 10 dzion tamu, ale jaho vyniki pakul nie pradstaŭleny, paviedamlaje katolik.life.
Raniej administracyja rajona paviedamlała, što pratakoł padviadzieńnia vynikaŭ hramadskaha abmierkavańnia, zaŭvahi i prapanovy jaho ŭdzielnikaŭ buduć raźmieščany na adpaviednaj staroncy sajta. Viadoma, što svaje zaŭvahi i prapanovy adnosna prajekta vykazvali jak minimum u parafii Uzvyšeńnia Śviatoha Kryža, ź jakim prajekt papiarednie nie ŭzhadniali.
U toj ža čas infarmahienctva Minharvykankama ŭ publikacyi ad 24 lutaha paviedamiła pra toje, što «namiačajucca ramontna-adnaŭlenčyja raboty ŭ kaściole i inšych zbudavańniach na Kalvaryjskich mohiłkach».
Nahadajem, u vypadku pryniaćcia kancepcyi raboty pavinny pačacca ŭžo ŭ 2024 hodzie.