Stała «čyścieńka i akuratnieńka». U Oršy źniščyli jašče adzin uzor savieckaha dekaratyŭnaha mastactva
Da niadaŭniaha času stałovaja Aršanskaha miasakambinata mahła pachvalicca nie tolki tym, čym zvyčajna chvalacca stałovyja — dastupnym mieniu, ale ŭnikalnym interjeram, jaki zachavaŭsia z savieckich časoŭ. Vializnaje pano z kieramiki, lityja błoki, aryhinalnyja lustry, draŭlany dekor — stvorany mastakami ŭ 1970-ja hady interjer vyhadna vyłučaŭ zavadskuju stałovuju siarod inšych miescaŭ charčavańnia na vytvorčych abjektach. Ale naprykancy lutaha ŭ stałovaj zrabili ramont — i ad byłoj pryhažości nie zastałosia i śledu, piša Reform.by.
Tak vyhladała stałovaja Aršanskaha miasakambinata. Fota: facebook.com/monumentalartby
«Cudoŭnaje» pieraŭtvareńnie zaŭvažyŭ pablik Belarusian Soviet Monumental ART.
«Vy dumajecie, što heta pryhažość jość? Na žal, jaje ŭžo niama. U stałovaj zrabili ramont. […] Usio stała «čyścieńka i akuratnieńka», — prakamientavali źniščeńnie pyšnaha interjeru ekśpierty.
«Aršanskaja hazieta», jakaja napisała pra adnoŭleny interjer i kompleksnyja abiedy stałovaj, ni słovam nie ŭzhadała pra byłoje abličča pamiaškańnia.
«Stylny i strymany interjer schilaje da adpačynku, — apisała hazieta źmieny ŭ abliččy stałovaj. — Paśla ramontu abnavili meblu i kuchonnaje abstalavańnie. Asnoŭnaja zała raźličanaja na 100 pasadačnych miescaŭ, u joj ža jość prastornaja placoŭka dla aktyŭnaści. Jašče adna zała raźličanaja na 40 čałaviek, što dazvalaje pravodzić dva mierapryjemstvy adnačasova. U interjer dobra ŭpišacca lubaja fotazona i dekor. U najbližejšych płanach — asnaščeńnie załaŭ miedyjatechnikaj. Źjaviacca vialiki sučasny televizar i akustyčnaja sistema dla praviadzieńnia mierapryjemstvaŭ».
Tak vyhladała stałovaja Aršanskaha miasakambinata da ramontu. Fota: facebook.com/monumentalartby
Frahmient azdableńnia stałovaj Aršanskaha miasakambinata da ramontu. Fota: facebook.com/monumentalartby
Frahmient azdableńnia stałovaj Aršanskaha miasakambinata da ramontu. Fota: facebook.com/monumentalartby
Tak ciapier vyhladaje stałovaja. Fota: orshanka.by
Fota: orshanka.by
Fota: orshanka.by
Fota: orshanka.by
Čytajcie taksama:
Saviecki kryndž ci kulturnaja spadčyna? Jak vyhladajuć mazaiki na aŭtobusnych prypynkach
U Babrujsku znosiać budynak sa znakamitaj mazaikaj. Pietycyja nie dapamahła