Mask ździviŭsia, čamu paśla raspadu Arhanizacyi Varšaŭskaj damovy nie raspuskajuć NATA. Jamu adkazali
Iłan Mask praciahvaje ździŭlać svaimi zajavami: hetym razam jon aburyŭsia, čamu nie rasfarmavali NATA paśla źniknieńnia Arhanizacyi Varšaŭskaj damovy. Najbolš jaskravy adkaz jamu daŭ prezident Łatvii Edhar Rynkievič.
Iłan Mask. Fota: AP Photo / Kirsty Wigglesworth, Pool
«Mnie zaŭsiody było cikava, čamu NATA praciahvaje isnavać, niahledziačy na toje, što jaje zaklaty vorah i pryčyna stvareńnia — Arhanizacyja Varšaŭskaj damovy — spyniła svajo dziejańnie», — napisaŭ Mask.
Tak jon prakamientavaŭ post pradprymalnika Devida Saksa, jaki zajaviŭ, što paśla raspadu Savieckaha Sajuza NATA «sutyknułasia z ekzistencyjalnym kryzisam, i zamiest taho, kab rasfarmavacca, prydumała novuju misiju: pašyrycca».
U kamientarach Masku ŭkazali, što NATA była stvorana da Arhanizacyja Varšaŭskaj damovy.
A jašče jamu adkazaŭ prezident Łatvii Edhar Rynkievič.
Dear @elonmusk, the reason NATO was founded, exists and will last is Russia and other enemies of the free world https://t.co/ptrgstpS2N
— Edgars Rinkēvičs (@edgarsrinkevics) March 3, 2024
«Darahi Iłan, pryčyna, pa jakoj NATA była zasnavana, isnuje i budzie isnavać viečna, — heta Rasieja i inšyja vorahi volnaha śvietu», — napisaŭ jon.
Čytajcie taksama:
Mask: Pieršy pacyjent ź impłantam Neuralink zdolny kiravać kampjutarnaj myškaj z dapamohaj dumak
Mask prakamientavaŭ infarmacyju pra vykarystańnie Starlink rasiejskimi vojskami