U Nacyjanalnaj halerei mastactvaŭ ZŠA Sucin byŭ padpisany jak rasiejec. Pamyłku vypravili
U Nacyjanalnaj halerei mastactvaŭ ZŠA vystaŭlajecca karcina mastaka Chaima Sucina «Partret chłopčyka».
Fota: fejsbuk Dzianisa Baranava
U podpisie mastak, jaki naradziŭsia ŭ Śmiłavičach, byŭ padpisany jak rasijski (jon naradziŭsia ŭ 1893 hodzie, kali heta było častka Rasijskaj impieryi).
Na heta źviarnuŭ uvahu biełaruski aktyvist Dzianis Baranaŭ, jaki žyvie ŭ ZŠA. Kali jon naviedvaŭ vystavu ŭ lutym, to pakinuŭ zaŭvahu. Praz tydzień halereja dasłała jamu adkaz pa elektronnaj pošcie, što kartku zamieniać.
Ciapier u podpisie staić, što Sucin francuzski mastak, jaki naradziŭsia ŭ Rasii, ale ciapier heta Biełaruś.
Fota: fejsbuk Dzianisa Baranava