Padletkam chočuć zabaranić adkryvać rachunki ŭ bankach
U Biełarusi źbirajucca ŭvieści zabaronu na adkryćcio rachunkaŭ u bankach padletkam. Tak płanujuć źnizić kolkaść machlarstvaŭ z udziełam niepaŭnaletnich. Pra heta 22 sakavika na pres-kanfierencyi raskazaŭ Dźmitryj Mialeška, namieśnik načalnika ŭpraŭleńnia pa achovie pravaparadku i prafiłaktyki HUUS Minharvykankama.
Fota ilustracyjnaje
«Ciapier hetaje pytańnie Ministerstvam unutranych spraŭ prapracavanaje i ŭniesienyja źmieny, jakija dazvolać zabaranić mienavita dzieciam biez zhody baćkoŭ źviartacca ŭ banki i adkryvać takija rachunki. Uzrost budzie abmiežavany 18 hadami, u advarotnym vypadku pavinien budzie prysutničać zakonny pradstaŭnik», — rastłumačyŭ čynoŭnik.
Ciapier rachunak u banku ŭ Biełarusi možna adkryć z 14 hadoŭ (sa zhody zakonnaha pradstaŭnika), z 16 hadoŭ — samastojna.
Čytajcie taksama:
IT ciahnie ekanomiku ŭniz. Jak za minuły hod źmianiłasia situacyja ŭ śfiery
Kolki kaštujuć adnyja i tyja ž smartfony ŭ Biełarusi i susiednich krainach?