Na Biełaruś nasoŭvajecca lasny pažar z boku Rasii
U hety momant na terytoryi Rasii na miažy ź Biełaruśsiu haryć les, i całkam vierahodna, što jon moža pierakinucca i na terytoryju našaj krainy.
Zdymak ilustracyjny
«Słužbovyja asoby dziaržlesachovy adrazu niekalkich lashasaŭ Mahiloŭskaj vobłaści prymajuć miery pa niedapuščeńni pierachodu ahniu ŭ lasny fond z boku Rasii», — paviedamlaje telehram-kanał Ministerstva lasnoj haspadarki.
Pavodle apieratyŭnaj infarmacyi, pad udaram znachodzicca Pańkoŭskaje laśnictva Kaściukovickaha lashasa. Da biełaruskaj miažy ad miesca pažaru kala 1 kiłamietra.
Dziaržlesachova Kaściukovickaha lashasa, jak paviedamlajecca, adrazu ž vyjechała da miažy. Dadatkova tudy nakiravanyja siły i resursy z susiednich Klimavickaha i Čerykaŭskaha lashasaŭ. U cełym situacyju na miažy kantralujuć 15 rabotnikaŭ dziaržlesachovy i 6 adzinak techniki.
Pa stanie na 31 sakavika ŭ lasnym fondzie Minlashasa ŭ hetym hodzie ŭžo adbyłosia 15 vypadkaŭ lasnych pažaraŭ na płoščy 9,7 ha.
Čytajcie taksama:
U Biełarusi ŭviali pieršyja abmiežavańni na naviedvańnie lasoŭ