U MZS RF raskazali, što vykarystoŭvajuć kanał u Minsku dla kantaktaŭ z Ukrainaj
Kiraŭnik departamienta krain SND MZS Rasii Alaksiej Pališčuk raskazaŭ ab kanale kamunikacyj u Minsku, jaki vykarystoŭvajuć rasijski i ŭkrainski baki. Jon zaznačyŭ, što ŭ asnoŭnym jaho zadziejničajuć dla notnaj pierapiski i pieradačy konsulskich dakumientaŭ.
Ministerstva zamiežnych spraŭ. Fota: Wikimedia Commons
Alaksieja Pališčuka spytali, ź jakoj metaj Maskva vykarystoŭvaje kanał suviazi z Kijevam praź biełaruskuju stalicu, i ci atrymlivaje rasijski bok pa im jakija-niebudź paviedamleńni ci sihnały ad Ukrainy.
«Hety kanał kamunikacyj zjaŭlajecca vyklučna techničnym. Jon vykarystoŭvajecca dla notnaj pierapiski i pieradačy dakumientaŭ, hałoŭnym čynam, pravavoha i konsulskaha charaktaru», — adkazaŭ Pališčuk.
31 sakavika MZS Rasii paviedamiła, što praz nazvany kanał u Minsku rasijski bok pieradaŭ Ukrainie svaje patrabavańni ab aryšcie i vydačy asob, jakija, na dumku Maskvy, majuć dačynieńnie da terarystyčnych atak. Siarod patrabavańniaŭ — aryšt kiraŭnika Słužby biaśpieki Ukrainy Vasila Maluka.
Čytajcie taksama:
Rašeńnie ab uvachodžańni Biełarusi ŭ ŠAS prymuć na samicie ŭ Astanie ŭ lipieni
Ad Kraŭčanki da Makieja — chto kiravaŭ ministerstvam zamiežnych spraŭ Biełarusi