Sachaščyk pra pamierłaha ŭ bresckim SIZA: Słužyli razam 30 hadoŭ tamu
Pamierły Alaksandr Kulinič, jakoha źbiralisia sudzić za abrazu Łukašenki, słužyŭ u 38-j asobnaj hvardziejskaj desantna-šturmavoj Bresckaj bryhadzie PDV.
Alaksandr Kulinič. Fota: sacsietki
Sachaščyk raskazaŭ, što z Kuliničam jany słužyli razam 30 hadoŭ tamu. A paśla nie kantaktavali doŭhi čas. Jak skłaŭsia los Kuliniča, Sachaščyk nie viedaŭ, jak i pra trahičnyja abstaviny jaho śmierci.
Pra śmierć padpałkoŭnika zapasu Alaksandra Kuliniča siońnia paviedamiła «Lusterka». Mužčynu byŭ 51 hod. U apošni čas jon byŭ zarehistravany indyvidualnym pradprymalnikam, zajmaŭsia charčovymi dabaŭkami.
16 krasavika jaho pavinny byli pačać sudzić pavodle č. 1 art. 368 KK («Abraza prezidenta Respubliki Biełaruś»). Da suda Kulinič byŭ u bresckim SIZA.
Čytajcie taksama:
U bresckim SIZA pamior abvinavačany ŭ abrazie Łukašenki. Zaŭtra jamu mahło b spoŭnicca 52 hady
«Viasna»: Alaksandr Kulinič nie byŭ pryznany palitviaźniem, ale heta niavažna