Budavać žyłyja damy i abjekty kamiercyjnaj nieruchomaści budzie chutčej
Pastanovaj, jakuju padpisaŭ premjer Raman Hałoŭčanka, zdymajucca dublujučyja pracedury i ŭzhadnieńni. Tym samym praces ad prajekta da pačatku ŭźviadzieńnia značna skaračajecca pa časie, paviedamlaje urad.
Ministr architektury i budaŭnictva Rusłan Parchamovič raskazaŭ, što na ŭzhadnieńnie prajektna-źmietnaj dakumientacyi, uzhadnieńnie rašeńniaŭ, zakładzienych u prajektna-kaštarysnaj dakumientacyi na stadyi vykanańnia techničnych umoŭ, sychodziła kala hoda.
«Kali da ciapierašniaha času, da pryniaćcia pastanovy nieabchodna było schadzić atrymać techumovu, adminpracedura — heta adzin miesiac.
Paśla hetaha treba było atrymać jašče i ŭzhadnieńnie. Na heta tracili pa dva tydni ŭ kožnaj instancyi. A kolkaść takich instancyj mahła dachodzić da 30».
Novaja pastanova zekanomić ad troch da piaci miesiacaŭ na stadyi prajektavańnia damoŭ i abjektaŭ nieruchomaści.