Jašče šeść biełaruskich kampanij trapili pad sankcyi ZŠA
Pad čarhovyja abmiežavańni Minfina ZŠA patrapili šeść biełaruskich kampanij. Pra heta paviedamlajecca na sajcie viedamstva. Usiaho ŭ sankcyjnym śpisie pa Biełarusi, apublikavanym 15 krasavika, 10 fizičnych asob i 12 kampanij.
Fota: Agat.by
Siarod jakija trapili pad sankcyi zavod «StankaHomiel», kampanija «AHAT-sistemy kiravańnia» — kiroŭnaja kampanija chołdynhu «Hieainfarmacyjnyja sistemy kiravańnia» i daččynyja pradpryjemstvy.
U ich liku — pradpryjemstva pa vytvorčaści ličbavych i anałahavych sistem radyjosuviazi «Technika suviazi» ŭ Barani, pradpryjemstva pa vyrabie srodkaŭ radyjo i pravadnoj suviazi «Ahat-sistem», navukova-daśledčy instytut elektronnych vyličalnych mašyn i pradpryjemstva pa raspracoŭcy kompleksnych prahramna-techničnych rašeńniaŭ u realnym siektary ekanomiki «InaTech Salušns».
Hety pakiet sankcyj zakranuŭ i šeść hramadzian Biełarusi.
Akramia taho, u śpisie apynulisia i niekalki zamiežnych kampanij, jakija supracoŭničajuć ź biełaruskimi sankcyjnymi pradpryjemstvami. Siarod ich jość kampanija z Kipra, a taksama z Kitaja, Iraka i Słavakii.
Da hetaha ŭ śniežni 2023 hoda sankcyjny śpis ZŠA papoŭnili biełaruskija kampanii vajenna-pramysłovaj haliny, viadomyja vytvorcy cyharet i techniki.
Čytajcie taksama:
Kanada paviedamiła pra novyja sankcyi suprać biełaruskaha režymu
Sud Jeŭrasajuza źniaŭ sankcyi z rasijskich aliharchaŭ
U Jeŭrasajuzie śćviardžajuć, što nie ŭvodzili sankcyj suprać avijakampanii Southwind Airlines