USU zajavili, što rasijski stratehičny bambavalnik źbiła Ukraina
Kamandujučy Pavietranymi siłami Ukrainy Mikałaj Alaščuk paviedamiŭ, što rasijski Tu-22M3, što ŭpaŭ u Staŭrapalskim krai, byŭ źbity rakietnymi padraździaleńniami USU razam z HUR.
Kali heta infarmacyja praŭdzivaja, to ŭkrainskim vajskoŭcam upieršyniu ŭdałosia źbić u pavietry samalot stratehičnaj avijacyi Rasii — nośbit kryłatych rakiet Ch-22.
Imavierna, rasijski Tu-22M3 upaŭ paśla pusku rakiet pa Dnieprapiatroŭskaj vobłaści. Minabarony RF paviedamiła, što Tu-22M3 paciarpieŭ krušeńnie «paśla vykanańnia bajavoj zadačy pry viartańni na aeradrom bazavańnia».
Taksama Alaščuk zajaviŭ, što siońnia nočču ŭdałosia źbić 29 z 36 rakiet i BPŁA, zapuščanych pa Ukrainie.