Pientahon nieadkładna nakiroŭvaje na padtrymku Ukrainy zbroju na miljard dalaraŭ

Ministerstva abarony ZŠA adrazu paśla padpisańnia prezidentam Bajdenam zakona ab vajskovaj dapamozie Ukrainie abjaviła pra novyja pastaŭki dla patrebaŭ Kijeva. Jak paviedamili ŭ Pientahonie, pastaŭki buduć iści sa składoŭ armii ZŠA, a abjom pakietu składzie 1 młrd dalaraŭ.

Pientahon u Vašynhtonie. Fota: Wikimedia Commons

U novy pakiet uvachodziać:

• rakiety RIM-7 i AIM-9M dla SPA;
• rakiety dla ZRK Stinger;
• strałkovaja zbroja i dadatkovyja patrony da strałkovaj zbroi, u tym liku patrony kalibra 50 dla baraćby ź bieśpiłotnikami;
• bojeprypasy dla HIMARS;
• 155-mm artyleryjskija vystrały;
• 105-mm artyleryjskija vystrały;
• 60-mm minamiotnyja vystrały;
• bajavyja mašyny piachoty Bradley;
• mašyny z supraćminnaj abaronaj MRAP;
• pazadarožniki HMMWV;
• hruzavyja aŭtamabili;
• taktyčnyja mašyny dla buksiroŭki i pieravozki techniki;
• supraćtankavyja rakiety TOW;
• supraćtankavyja kompleksy Javelin i AT-4;
• vysokadakładnyja avijacyjnyja bojeprypasy;
• abstalavańnie aeradromnaha zabieśpiačeńnia;
• supraćtankavyja miny;
• supraćpiachotnyja bojeprypasy Claymore;
• padryŭnyja bojeprypasy dla rasčystki pieraškod;
• prybory načnoha bačańnia;
• zapasnyja častki, palavoje abstalavańnie, navučalny ryštunak, techničnaje absłuhoŭvańnie i inšaje dapamožnaje abstalavańnie.

Usiaho zakonam praduhledžana vydzialeńnie na padtrymku Ukrainy 61 młrd dalaraŭ.

Kamientary da artykuła