U Zelvie zabili mužčynu i jaho 83-hadovuju maci i skrali siejf
Milicyja znajšła zabojcu.
Fota: pres-słužba MUS
Ranicaj 20 krasavika ŭ Zelvie va ŭłasnym domie znojdzieny cieły 46-hadovaha mužčyny i jaho 83-hadovaj maci bieź vidavočnych prykmiet hvałtoŭnaj śmierci. Taksama padčas ahladu žylla ŭstanoŭlena źniknieńnie siejfa i mabilnaha telefona, paviedamlaje pres-słužba milicyi.
Apieratyŭniki vyśvietlili, što da kradziažu datyčny 28-hadovy miascovy žychar. Ź jaho słoŭ, jon pryjšoŭ dadomu da znajomaha pazyčyć hrošaj, adnak znajšoŭ jaho i maci miortvymi. Tady małady čałaviek zabraŭ z saboj siejf i mabilny telefon.
Doma jon uzłamaŭ mietaličnuju skryniu, u jakoj znachodziłasia 20 tysiač rubloŭ i dźvie tysiačy dalaraŭ. Kala pałovy hetaj sumy patraciŭ na azartnyja hulni, pajezdki na taksi, ałkahol i razdaču daŭhoŭ, astatniaje ŭ jaho zabrali.
Pieršapačatkova svaju vinu ŭ zabojstvie małady čałaviek admaŭlaŭ. Adnak potym jaho dačynieńnie da złačynstva ŭdałosia ŭstanavić.
Čytajcie taksama:
U Fanipali mužčyna pajšoŭ na prahułku ź piacihadovym synam, a viarnuŭsia adzin
U Maładziečnie pažyłaja para žorstka zabiła ziacia małatkom. Ciešča paśpieła źbiehčy z krainy