Łukašenka prymusiŭ ministra vykopvać ziernie rukami
U repartažy BT pakazali kadry z učarašniaj pracoŭnaj pajezdki Alaksandra Łukašenki ŭ Kaściukovicki rajon. Toj pryjechaŭ na pole acanić, jak pracuje sielhastechnika.
Łukašenka i čynoŭniki hladziać, jak ministr šukaje ziernie. Skryn videa BT
«A dzie ministr? Nu, šukaj ziernie. Ci ty ŭžo zabyŭ?» — skazaŭ Łukašenka, pakazvajučy na ziamlu.
«Nu, što ž ja zabyŭ?» — ministr sielskaj haspadarki Siarhiej Bartaš u kaściumie vybieh napierad, prysieŭ i staŭ rukoj adkopvać ziamlu.
Bartaš šukaje ziernie. Skryn videa BT
Paralelna Łukašenka pavučaŭ jaho, ci nie zabyŭ toj, na jakoj hłybini pavinna sadžacca ziernie. Inšyja čynoŭniki schililisia nad ministram, niby inśpiektujučy i kanśpiektujučy ŭ pamiaci.
Paśla hetaha Bartaš pachvaliŭ ajčynnuju siejałku, jakaja pracuje na poli, a inšy funkcyjanier zakidaŭ hradu ziamloj i pryhładziŭ jaje.