Jak adroźnivajucca lhoty na prajezd u hramadskim transparcie ŭ Minsku, Varšavie i Vilni

Paraŭnali situacyju ŭ stalicach Biełarusi, Polščy i Litvy.

Ilustracyjny zdymak. Fota: «Naša Niva»

Minsk

U Minsku prava na biaspłatny prajezd u hramadskim transparcie majuć nastupnyja katehoryi hramadzian:

• Dzieci va ŭzroście da 7 hadoŭ.
• Staličnyja školniki mohuć biaspłatna karystacca hramadskim transpartam, ale tolki ŭ pieryjad z 1 vieraśnia pa 30 červienia.
• Navučency 1-2 kursaŭ dzionnaj formy navučańnia va ŭstanovach prafiesijna-techničnaj i siaredniaj śpiecyjalnaj adukacyi mohuć jeździć u hramadskim transparcie biaspłatna kruhły hod.
• Invalidy pieršaj hrupy, niepaŭnaletnija invalidy i asoby, jakija ich supravadžajuć, majuć prava na biaspłatny prajezd nie tolki ŭ haradskim hramadskim transparcie, ale i ŭ čyhunačnym ahulnaha karystańnia ŭ ciahnikach haradskich linij.
• Słužačyja terminovaj vajennaj słužby, suvoraŭcy i vychavancy vajskovych čaściej.
• Taksama prava na biaspłatny prajezd majuć Hieroi Biełarusi, SSSR, vieterany i invalidy VAV.

Z poŭnym śpisam ilhot na prajezd možna aznajomicca pa spasyłcy.

Varšava

U polskaj stalicy biaspłatna jeździć u haradskim hramadskim transparcie mohuć:

• Dzieci va ŭzroście da 7 hadoŭ, a taksama navučency pačatkovaj škoły, jakija vučacca abo pražyvajuć na terytoryi Varšavy.
• Dzieci i padletki ź invalidnaściu, nie starejšyja za 26 hadoŭ, a taksama asoby, jakija ich supravadžajuć.
• Ludzi z razumovymi asablivaściami abo asoby ź pieršaj abo druhoj hrupaj invalidnaści jeździać biaspłatna ŭ niezaležnaści ad uzrostu.
• Školniki i studenty va ŭzroście da 26 hadoŭ karystajucca hramadskim transpartam z 50%-naj źnižkaj.
• Piensijaniery da 70 hadoŭ majuć prava na 50% źnižki. Asoby, starejšyja za 70 hadoŭ, mohuć karystacca hramadskim transpartam biaspłatna.
• Siarod inšaha, prava na biaspłatny prajezd u hramadskim transparcie Varšavy atrymlivajuć ludzi, ŭ im narodžanyja.

Z poŭnym śpisam ilhot na prajezd u Varšavie možna aznajomicca pa spasyłcy.

Vilnia

Biaspłatna karystacca hramadskim transpartam u Vilni mohuć dzieci da 7 hadoŭ. Amal biaspłatna — pa bilecie za 2,90 jeŭra za hod — mohuć jeździć asoby, starejšyja za 80 hadoŭ.

Navučency vilenskich škoł z 1 pa 4 kłasy mohuć karystacca hramadskim transpartam ciaham hoda, nabyŭšy za 10 jeŭra bilet vučnia pačatkovaj škoły.

Prava na 80%-ju źnižku majuć vučni siaredniaj škoły i studenty dzionnaj formy navučańnia. Taksama 80% źnižki na prajezd raspaŭsiudžvajecca na invalidaŭ pieršaj hrupy i asobu, jakaja supravadžaje invalida.

Źnižki pamieram 50% praduhledžany dla invalidaŭ druhoj hrupy i piensijanieraŭ va ŭzroście da 80 hadoŭ. 

Z poŭnym śpisam ilhot na prajezd u Vilni možna aznajomicca pa spasyłcy.

Kolki kaštujuć miesiačnyja prajaznyja ŭ Biełarusi, Polščy i Litvie?

U Minsku poŭny košt prajaznoha na 30 dzion na ŭsie vidy hramadskaha haradskoha transpartu razam ź mietro składaje 51 rubiel (kala 15 jeŭra). 

U Varšavie miesiačny prajazny dla žycharoŭ stalicy pa «karcie varšaviaka» kaštuje 98 złotych (kala 23 jeŭra). Zvyčajny košt miesiačnaha prajaznoha dla tych, chto aficyjna nie žyvie i nie pracuje na terytoryi Varšavy, składaje 180 złotych (kala 42 jeŭra).

U Vilni prajazny na 30 dzion kaštuje 29 jeŭra (ci 26 jeŭra, kali tolki na pracoŭnyja dni).

Kolki ŭ siarednim zarablajuć žychary kožnaj sa stalic?

U Minsku siaredniaja zarpłata na ruki pa vynikach sakavika skłała 2585 rubloŭ, ci kala 730 jeŭra.

Siaredniaja zarpłata ŭ Vilni pa vynikach čaćviortaha kvartała 2023 hoda — 1423 jeŭra na ruki.

U Varšavie siaredniaja zarpłata na kaniec 2023 hoda składała 6355 złotych, ci kala 1460 jeŭra na ruki.

Kamientary da artykuła