Łukašenka palacieŭ u Rasiju
U Maskvie jon siońnia voźmie ŭdzieł u pasiadžeńni Vyšejšaha Jeŭrazijskaha ekanamičnaha savieta, piša BiełTA.
Alaksandr Łukašenka. Fota: Contributor / Getty Images
U mai spaŭniajecca 10 hadoŭ z dnia padpisańnia Damovy ab stvareńni JEAES. Mierapryjemstva projdzie ŭ vuzkim i pašyranym składach.
Členami JEAES źjaŭlajucca Biełaruś, Rasija, Kazachstan, Kyrhyzstan i Armienija. U pasiadžeńni Vyšejšaha Jeŭrazijskaha ekanamičnaha savieta taksama prymuć udzieł lidary Uźbiekistana i Kuby, jakija źjaŭlajucca krainami-naziralnikami pry JEAES.
U pieršaj pałovie dnia 9 maja Alaksandr Łukašenka na Krasnaj płoščy budzie prysutničać na vajennym paradzie ŭ honar Pieramohi ŭ Vialikaj Ajčynnaj vajnie, a taksama voźmie ŭdzieł u cyrymonii ŭskładańnia kvietak da Mahiły Nieviadomaha Sałdata.
Potym jon vierniecca ŭ Minsk, kab uziać udzieł u śviatočnych mierapryjemstvach u našaj stalicy.