Źjavicca novaja elektronnaja łatareja, vypuskać budzie pradpryjemstva na čale z byłym achoŭnikam Łukašenki
Urad Biełarusi zasnavaŭ novuju imhniennuju elektronnuju łatareju «Svaja hulnia». Jaje aficyjnaja meta — «atrymańnie dadatkovych hrašovych srodkaŭ na raźvićcio fizyčnaj kultury i sportu, u tym liku alimpijskaha i paralimpijskaha ruchu».
Jak adznačajecca ŭ apublikavanaj na Nacyjanalnym pravavym internet-partale Biełarusi pastanovie ŭradu, arhanizatar novaj elektronnaj łatarei — unitarnaje pradpryjemstva «Nacyjanalnyja spartovyja łatarei».
Łatareju stvaryli na piać hadoŭ.
«Radyjo Svaboda» źviarnuła ŭvahu, što kiraŭnik «Nacyjanalnych spartovych łatarej» — Alaksiej Alehavič Turčyn. Anałahičnyja proźvišča, imia i imia pa baćku mieŭ achoŭnik kolišniaha premjera Biełarusi Siarhieja Sidorskaha, jaki paźniej pierajšoŭ u Słužbu biaśpieki Alaksandra Łukašenki.
Aproč łatarej, pradpryjemstva zajmajecca bukmiekierskaj i handlovaj dziejnaściu.