Rasijski MTS nie dumaje pakul pradavać svaju biełaruskuju dačku
Rasijski sotavy apieratar nie bačyć nieabchodnaści ŭ prodažy biełaruskaha aktyvu, bo zadavoleny finansavymi vynikami jaho pracy. Pra heta zajaviŭ prezident kampanii Viačasłaŭ Nikałajeŭ, piša TASS
Pry hetym kiraŭnik MTS adznačyŭ, što ŭ vypadku pastupleńnia vyhadnaj prapanovy ab prodažy kampanija jaho razhledzić.
Kali heta budzie dobraja prapanova, to my, napeŭna, pahodzimsia. Ale heta dobraja «dačka», jana prynosić dyvidendy. Nijakaj nieabchodnaści ŭ prodažy niama», — skazaŭ Nikałajeŭ.
«Biełtelekam» vałodaje pakietam u MTS, jaho dola składaje 51%, astatniaja častka naležyć rasiejskaj kampanii.
Niadaŭna kampanija pradała kiprskamu pakupniku 100% svajoj daččynaj struktury ŭ Armienii. Paviedamlałasia taksama, što MTS prapanavała zamiežnym inviestaram vykupić ich akcyi koštam utraja nižejšym za rynak.
U krasaviku ŭ biełaruskim TAA «Mabilnyja Telesistemy» źmianiŭsia kiraŭnik. Im staŭ vychadziec z KDB Uładzimir Kozyr.
Čytajcie taksama:
MTS z 15 maja mianiaje ŭmovy dostupu ŭ internet
Sim-karty tolki ad MTS i nijakaha mabilnaha internetu. Na «Hrodna Azocie» zabaraniajuć smartfony