BIEŁ Ł RUS

Akciora na hałoŭnuju rolu ŭ filmie «Kupała» zaćviardžała Administracyja Łukašenki

19.05.2024 / 15:49

Nashaniva.com

Łatvijski akcior Mikałaj Šestak syhraŭ pieśniara ŭ filmie «Kupała», jaki tak i nie vyjšaŭ u prakat. 

Mikałaj Šestak u roli Kupały. Krynica fota: belarusfilm.by

Pra detali kastynhu akcior raspavioŭ u intervju partału LSM.lv, zaŭvažyŭ telehram-kanał «Cviaŝiennyj Biełavud».

«Strach kiraŭnictva studyi ździejśnić pamyłku pryvioŭ da zaćviardžeńnia ŭ niekalki etapaŭ: spačatku na studyi, potym sklikali ideałahičnuju kamisiju, potym Minkult. U kancy proby byli nakiravanyja ŭ Administracyju prezidenta… zaćvierdzili», — uspaminaje akcior.

Sam Šestak nie viedaje, ź jakoj pryčyny zaćvierdzili mienavita jaho.

«Mahčyma, biełaruskija karani (moj baćka byŭ biełarusam) abo toje, što ja byŭ jeŭrapiejcam i jak by moh być suviaznym źvianom u kulturnych suviaziach pamiž krainami».

U 2020 hodzie režysior filma Uładzimir Jankoŭski raspaviadaŭ, što film paśla stvareńnia zaćviardžali na vysokim uzroŭni — jaho pa čarzie hladzieli kiraŭnictva ministerstvaŭ i siłavych viedamstvaŭ, u tym liku Administracyja Łukašenki. 

Čytajcie taksama:

U siecivie źjaviłasia finalnaja viersija filma «Kupała», jaki ŭłady nie puścili ŭ prakat 

«SSSR viarnuŭsia». Kali vyjdzie film pra Kupału? Pahavaryli ź jaho režysioram Uładzimiram Jankoŭskim

Michaś Skobła: Film «Kupała» ni dziaržaŭny kinaprakat, ni BT pry hetaj uładzie nie pakažuć

Kamientary da artykuła