Śpiavačku Laŭčuk i błohiera Pavuka buduć zavočna sudzić pa 14 artykułach Kryminalnaha kodeksa

U Bresckim abłasnym sudzie 31 maja pačnuć sudzić opiernuju śpiavačku Marharytu Laŭčuk, błohiera Andreja Pavuka, Volhu Pavuk, Alaksandra Čachoŭskaha, Illu Salankova i Uładzisłava Navažyłava. U spravie fihuruje adrazu 14 artykułaŭ Kryminalnaha kodeksa, piša Biełsat.

Marharyta Laŭčuk. Fota: OSC

Sud projdzie zavočna. Siarod abvinavačvańniaŭ «ździek ź dziaržaŭnych simvałaŭ», «źniavaha Łukašenki», «sadziejničańnie ekstremisckaj dziejnaści», paviedamlaje «Bieraściejskaja Viasna».

Sutnaść abvinavačvańniaŭ nieviadomaja, i daviedacca ich nie atrymajecca, pakolki sud projdzie ŭ zakrytym režymie. Sudździa — Śviatłana Kramianieŭskaja.

Andrej Pavuk i Marharyta Laŭčuk stvaryli prajekt «Krasnaja Zieleń» z satyryčnymi pieśniami. U 2022 hodzie śpiavačku abjaŭlali ŭ vyšuk pavodle artykuła 370 KK («ździek ź dziaržaŭnych simvałaŭ»).

Kamientary da artykuła