Rasijanie ŭ noč na 1 červienia vypuścili 100 rakiet i dronaŭ pa abjektach enierhietyki Ukrainy
Usiaho było vypuščana 53 rakiety i 47 udarnych bieśpiłotnikaŭ.
Fota: Pavietranyja siły Ukrainy
Usiaho było vypuščana 53 rakiety i 47 udarnych bieśpiłotnikaŭ, paviedamiŭ kamandujučy pavietranymi siłami Uzbrojenych sił Ukrainy Mikałaj Alaščuk.
U tym liku:
- 35 kryłatych rakiet Ch-101 / Ch-555 z samalotaŭ Tu-95 MS z Sarataŭskaj vobłaści i z rajona Kaśpijskaha mora,
- 4 balistyčnyja rakiety «Iskander-M» z Kryma,
- 1 kryłataja rakieta «Iskander-M» z Kryma,
- 10 kryłatych rakiet «Kalibr» z akvatoryi Čornaha mora,
- 3 kiravanyja rakiety Ch-59 / Ch-69 z samalotaŭ u Zaparožskaj vobłaści,
- 47 udarnych dronaŭ typu Shahed-131/136.
Ukrainskaj SPA ŭdałosia źbić 81 pavietranuju cel. Asnoŭny ŭdar pryjšoŭsia na enierhietyčnuju infrastrukturu ŭ Zaparožskaj, Dnieprapiatroŭskaj, Danieckaj, Kiravahradskaj i Ivana-Frankoŭskaj abłaściach, paviedamiŭ ministr enierhietyki Hierman Hałuščanka.