Pieršaha namieśnika kiraŭnika Biełčyhunki aryštavali z $1 miljonam chabaru
Kanał «Supolnaść biełaruskich čyhunačnikaŭ» paviedamiŭ, što 18 maja HUBAZiK zatrymaŭ pieršaha namieśnika načalnika Biełaruskaj čyhunki Piatra Dułuba. Jaho złavili na chabary.
Piatro Dułub
Paviedamlajecca, što pry pieratrusie ŭ Dułuba była kanfiskavanaja suma kala $1 miljona, a taksama dakumienty, źviazanyja ź dziejnaściu taryfnaj kamisii BČ.
Na pracoŭnym miescy Dułub adsutničaje ŭžo treci tydzień i, pa infarmacyi čyhunačnikaŭ, na hety momant jon utrymlivajecca ŭ SIZA ŭ Kaladzičach.
Akramia taho, paviedamlajecca, što taksama byŭ zatrymany i namieśnik hiendyrektara dziaržaŭnaha transpartna-łahistyčnaha pradpryjemstva BTŁC Pavieł Łuščaj. U jaho spravie taksama nibyta prysutničajuć prykmiety chabaru z prymianieńniem śpiecyjalna paznačanych kupiur.
@nashanivanews Pa niepaćvierdžanaj infarmacyi, padčas vobšuku ŭ čynoŭnika znajšli kala miljona dalaraŭ #biełaruś #žieleznajadoroha #našaniva #naviny #biełaruśnovosti #korrupcija #biełaruskamoŭnyciktok ♬ Crime Scene - Avery Alexander
Čytajcie taksama:
Eks-kiraŭniku Bielinviestbanka Andreju Bryšcielevu dali 12 hadoŭ kałonii
Padobna, dvuch top-čynoŭnikaŭ ź Minfina i Mintransa sudziać za chabar i «zdradu dziaržavie»
Top-mieniedžar budarhanizacyi za hod nabraŭ chabaraŭ na 100 tysiač rubloŭ