BTA Bank u Biełarusi źmianiŭ ułaśnika
Kazachstanski biznesoviec Kienies Rakišaŭ pradaŭ biełaruski BTA Bank taksama kazachstanskamu pradprymalniku — Sułtanu Marenavu.
Fota: Jandeks
BTA Bank paviedamiŭ pra zaviaršeńnie ździełki pa nabyćci 99,93 pracenta akcyj banka kampanijaj TAA «SNRG Capital Eurasia» (Kazachstan) u AT «BTA Bank» (Kazachstan).
TAA «SNRG Capital Eurasia» naležyć kazachstanskamu pradprymalniku Sułtanu Marenavu.
Sułtan Marenaŭ znajomy ź biełaruskim rynkam — z 2005 pa 2015 hady zajmaŭ pasadu staršyni praŭleńnia BTA Bank. Sa studzienia 2024 hoda jon uznačalvaje saviet dyrektaraŭ banka.
— My płanujem uzmacnić kirujučuju kamandu i sfakusavacca na rastučych patrebach našych klijentaŭ, a taksama prapanavać vyhadnyja ŭmovy dla fizičnych asob, małoha i siaredniaha biznesu i dla tych, chto viadzie aktyŭnuju źniešnieekanamičnuju dziejnaść. Razumiejučy, što siońnia zapatrabavany biasšvovyja ličbavyja servisy, my prykładziem usie namahańni dla taho, kab ich palepšyć, — pieradaje słovy Marenava pres-słužba.