Stała viadoma, na jakim etapie ciapier restaŭracyja pałaca Horvataŭ u Naroŭli

Kali vy dumali, što restaŭracyja pałaca spyniłasia, to pamylalisia. Pra toje, jak iduć spravy, na svajoj staroncy ŭ fejsbuku napisaŭ uładalnik abjekta Piotr Kuźniacoŭ.

Pałac Horvataŭ, 2022 hod

Piatro Kuźniacoŭ raskazaŭ, što ciapier z abjekta vyvozicca budaŭničaje śmiećcie (a jaho tam vielmi šmat), idzie praces zamaŭleńnia mietału dla dachu, čakajecca padvoz piłamateryjałaŭ dla pierakryćciaŭ i dachu.

Akramia taho, užo amal demantavali kałony, jakija prybudavali da pałaca ŭ savieckija časy.

Užo zroblena šmat takoj padrychtoŭčaj pracy, jakuju nie zaŭvažyš vokam, ale bieź jaje nie atrymałasia b ruchacca dalej, tłumačyć Kuźniacoŭ. Tamu pracesy iduć i praciahnuć iści.

Pry žadańni, jak uładalnik śćviardžaje, jamu z tavaryšami možna i dapamahčy.

Pa-pieršaje, možna raspaŭsiudžvać infarmacyju pra sam pałac, pra toje, što adbyvajecca na abjekcie, i pra toje, jakaja dapamoha patrabujecca.

Pa-druhoje, uletku možna dapamahčy rukami prosta na miescy. Krychu paźniej źjavicca bolš kankretnaj infarmacyi pra vałanciorski kirunak. Luby padsobny rabočy — heta vydatki hrošaj, jakija možna nakiravać na pałac. Čym bolš vałancioraŭ — tym bolš hrošaj zastaniecca na pałac. Zrešty, hrašyma entuzijastam-restaŭrataram možna dapamahčy taksama. 

Kamientary da artykuła