Ukrainskija drony ŭpieršyniu atakavali Paŭnočnuju Asieciju, adkul uźlatajuć samaloty
U Mazdoku siłami SPA było źbita try bieśpiłotnyja latalnyja aparaty.
Maps.google.com
U subotu 8 červienia ŭpieršyniu zafiksavanaja ataka dronaŭ na rasijskuju Paŭnočnuju Asieciju, dzie raźmieščany aeraport, ź jakoha ŭźlatajuć samaloty, što atakujuć Ukrainu.
Minaabarony Rasii paviedamiła, što ranicaj adzin bieśpiłotny latalny aparat byŭ źniščany nad terytoryjaj Respubliki Paŭnočnaja Asiecija — Ałanija.
Hubiernatar rehijonu ŭdakładniŭ, što ŭ Mazdoku siłami SPA było źbita try bieśpiłotnyja latalnyja aparaty.
Pavodle papiaredniaj infarmacyi ŭładaŭ, BPŁA prylacieli «z ukrainskaha boku». Ich metaj byŭ vajenny aeradrom.
Daviedka: mienavita z aeradroma Mazdok uźlatajuć MiH-31 i Tu, jakija abstrelvajuć Ukrainu.