Miniust pazbaviŭ licenzii advakata, jaki ŭchvalaŭ uviadzieńnie śmiarotnaha pakarańnia za zdradu dziaržavie
Ministerstva justycyi pazbaviła licenzii dvuch advakataŭ: Anatola Łapcieva z Mazyra i Inu Bartaš ź Minska. Advakataŭ pazbavili licenzii «z pryčyny niedastatkovaj kvalifikacyi»
Anatol Łapcieŭ. Fota: Žyćcio Paleśsia
«Prava na abaronu» piša, što zusim niadaŭna, 17 krasavika, Anatol Łapcieŭ apublikavaŭ artykuł z nazvaj «Za teraryzm — da adkazu», u jakoj śćviardžaŭ, što papraŭki ŭ kryminalnaje zakanadaŭstva, jakija praduhledžvajuć śmiarotnaje pakarańnie za zdradu dziaržavie nakiravany «na pavyšeńnie efiektyŭnaści achovy miru i biaśpieki čałaviectva, abarony hramadskich i dziaržaŭnych intaresaŭ, kanstytucyjnaha ładu Respubliki Biełaruś i ŭstanoŭlenaha pravaparadku ad złačynnych zamachaŭ ekstremisckaj nakiravanaści, na papiaredžańnie złačynstvaŭ, vychavańnie hramadzian u duchu vykanańnia zakanadaŭstva Respubliki Biełaruś».