Źnik z radaraŭ samalot vice-prezidenta adnoj z afrykanskich krain

Samalot, u jakim lacieŭ vice-prezident afrykanskaj krainy Małavi, źnik z radaraŭ nieŭzabavie paśla ŭźlotu z aeraporta małavijskaj stalicy Liłonhvie. Samalot lacieŭ u aeraport horada Mzuzu na poŭnačy krainy. Akramia 51-hadovaha vice-prezidenta Małavi Saŭłasa Čylimy, na borcie było jašče dzieviać čałaviek.

Saŭłas Čylima. Fota: AP Photo

Pryčyny źniknieńnia samalota pakul nieviadomyja. Razhornutyja aktyŭnyja pošukavyja raboty.

Prezident Małavi Łazarus Čakviera ŭ suviazi z hetym incydentam admianiŭ zapłanavanuju pajezdku na Bahamskija astravy.

U horadzie Mzuzu vice-prezident pavinien byŭ prysutničać na pachavańni byłoha ministra justycyi krainy Ralfa Kasambary, jaki pamior try dni tamu. Samalot, na jakim jon lacieŭ, naležaŭ vajskova-pavietranym siłam krainy.

Małavijskaja presa adznačaje, što ŭ rajonie Mzuzu ŭ paniadziełak było drennaje nadvorje, i što, pavodle niepaćvierdžanych źviestak, miascovyja žychary paviedamlali pra padzieńnie samalota.

Saŭłas Čylima zajmaje pasadu vice-prezidenta Małavi 10 hadoŭ, z 31 maja 2014 hoda. Jon byŭ namieśnikam spačatku ŭ raniejšaha prezidenta Pitera Mutaryki i zachavaŭ svaju pasadu paśla taho, jak u červieni 2020 hoda novym prezidentam staŭ Łazarus Čakviera.

Kamientary da artykuła