U Žytkavickim rajonie žančyna ź dziciem trapili ŭ reanimacyju paśla sustrečy z łasiom
DTZ u Žytkavickim rajonie adbyłosia pozna ŭviečary 13 červienia. Łoś vyskačyŭ na darohu i trapiŭ pad mašynu. Jaje pasažyry atrymali surjoznyja traŭmy i ich daviałosia špitalizavać, raskazali va UUS Homielskaha abłvykankama.
DTZ adbyłosia 13 červienia kala 22:20 viečara na 294 km aŭtadarohi M-10 «Miaža RF — Homiel — Kobryn».
Pavodle papiarednich źviestak, 25-hadovy kiroŭca «Opiel Viektra» jechaŭ z boku Mikaševičaŭ u napramku Žytkavičaŭ. U zonie dziejańnia znaka «Dzikija žyvioły» jon źbiŭ łasia, jaki raptam vybieh na prajeznuju častku pierad aŭto.
Žyviolina zahinuła na miescy, a dvoje pasažyraŭ lehkavika — 34-hadovaja žančyna i jaje 6-hadovaja dačka, — dastaŭlenyja ŭ reanimacyju z roznymi traŭmami.
Čytajcie taksama:
U Minsku źbili viełasipiedysta — kiroŭca hnaŭ na čyrvonaje
«Kiroŭcy niama». Na trasie kala Marjinaj Horki adbyłasia žudasnaja avaryja, darohu pierakryvali