U nastupnyja dni stanie jašče ciaplej, čakajucca mocnyja daždžy i navalnicy
Prahnoz nadvorja na 16-18 červienia.
Ilustracyjnaje fota «Naša Niva»
U niadzielu ŭnačy pieravažna biez apadkaŭ, dniom miescami karotkačasovyja daždžy, navalnicy. Unačy i ranicaj miescami słaby tuman. Viecier niaŭstojlivy, nočču słaby, dniom umierany, pry navalnicach paryvisty.
Nočču +7 +13°S, pa paŭdniovym uschodzie da +16°S, maksimalnaja dniom +22+27°S.
U paniadziełak na bolšaj častcy terytoryi — daždžy, miescami mocnyja daždžy. U asobnych rajonach navalnicy. Unačy i ranicaj miescami słaby tuman. Viecier paŭnočna-zachodni, paŭnočny paryvisty. Tempieratura pavietra nočču +10 +17°S, dniom ad +18°S pa ŭschodzie da +26°S pa zachadzie.
18 červienia, u aŭtorak, umovy nadvorja buduć vyznačać ciopłyja niaŭstojlivyja pavietranyja masy, jakija raspaŭsiudžvajucca z paŭdniovaha zachadu Jeŭropy. Miescami pa krainie karotkačasovyja daždžy, navalnicy. Nočču +10 +17°S, dniom +22+29°S.
Nadvorje ŭ Minsku na nastupnyja dni
yr.no