Złavili lašča. Niezakonnaja rybnaja łoŭla kaštavała žycharam Lubanščyny 90 tysiač rubloŭ
Majskaj nočču dvoje miascovych žycharoŭ vyjšli na promysieł.
Jany pastavili 800 m sietak na Lubanskim vadaschoviščy, sa zvyčajnaj nadzimanaj łodki, pišuć Minsk-naviny.
Lešč akurat išoŭ na nierast, tamu husta nabivaŭsia ŭ sietki.
Ale zatym darohu brakańjeram pierakryli pryrodaachoŭniki.
Pamier škody, naniesienaj pryrodzie, u Biełarusi vymiarajecca pa śpiecyjalnych taksach. Heta abumoŭlenyja taryfy ŭ bazavych vieličyniach, dzie ŭsio zaležyć ad kaštoŭnaści taho ci inšaha vidu ryby, jaje areała pražyvańnia dy inš.
U miaškach znachodzilisia zvyš 200 štuk lašča, niekalki samoŭ, sudakoŭ, ščupakoŭ i liniaŭ. Padniać uvieś ułoŭ ciažka było navat utroch: jaho vaha skłała 213 kh. Na miesca zdareńnia vyklikali śledča-apieratyŭnuju hrupu Staradarožskaha RAUS.
Za spustašeńnie Lubanskaha vadaschovišča brakańjery pavinny vypłacić 89 520 rubloŭ. A napieradzie jašče sud pa č. 4 art. 281 KK (niezakonnaja zdabyča ryby abo inšych vodnych žyvioł). Tut im pahražaje da šaści hadoŭ źniavoleńnia.