Va Uzbrojenych siłach pačałasia raptoŭnaja pravierka bojehatoŭnaści — na miažy z Ukrainaj

Da pravierki pryciahvajucca voinskija čaści i padraździaleńni apieratyŭnych kamandavańniaŭ, sił śpiecyjalnych apieracyj, rakietnych vojskaŭ i artyleryi, vajenna-pavietranych sił i vojskaŭ supraćpavietranaj abarony. Pryčym buduć zadziejničanyja palihony na poŭdni krainy.

Fota: Minabarony

Siońnia pačałasia raptoŭnaja pravierka hatoŭnaści złučeńniaŭ i voinskich čaściej Uzbrojenych sił da vykanańnia zadač pa pryznačeńni, paviedamlaje Minabarony.

Na pieršym etapie buduć adpracavany pytańni apieratyŭnaha zaniaćcia pryznačanych rajonaŭ, padrychtoŭki ich u inžyniernych adnosinach, arhanizacyi achovy i abarony, zastupleńni na bajavoje dziažurstva.

U dalejšym voinskim čaściam i padraździaleńniam treba vykanać vučebna-bajavyja zadačy.

Dla praviadzieńnia pravierki buduć zadziejničany palihony i ŭčastki miascovaści ŭ Bresckaj i Homielskaj abłaściach.

U hety pieryjad mahčymy ruch bajavoj techniki pa darohach ahulnaha karystańnia.

Nahadajem, učora Pahrankamitet zajaviŭ ab kancentracyi ŭkrainskich vojskaŭ na biełaruskaj miažy.

Kamientary da artykuła