Stała viadoma prahrama sioletniaha Budsłaŭskaha festu

Sioleta Budsłaŭski fest projdzie 5 i 6 lipienia pad devizam: «Najśviaciejšaje Serca Jezusa — supakoj i pajadnańnie našaje».

Na partale Catholic.by płanujecca pramaja tranślacyja celebracyj z Budsłava, piša catholic.by

Prahrama festu

• 5 lipienia, piatnica
• 14.00 — 17.00 — sustreča i pryvitańnie pilihrymaŭ (probašč budsłaŭskaj parafii ksiondz Dźmitryj Dubovik)
• 18.00 — śviataja Imša (celebruje kaadjutar Hrodzienskaj dyjacezii biskup Uładzimir Hulaj)
• 20.00 — Akafist u vykanańni choru Hreka-katalickaj carkvy
• 20.30 — Maryjnyja Niešpary (Mienšyja Braty Kapucyny)
• 21.00 — Kryžovy šlach (Ajcy Karmelity Bosyja)
• 22.00 — Moładzievaja prahrama «Moładź da moładzi» (adkazny za dušpastyrstva moładzi ŭ Minska-Mahiloŭskaj archidyjacezii ksiondz Andrej Burak)
• 23.30 — pracesija z kopijaj abraza Maci Božaj Budsłaŭskaj
• 6 lipienia, subota
• 0.00 — śviataja Imša (celebruje Mitrapalit Minska-Mahiloŭski arcybiskup Juzaf Stanieŭski)
• 2.00 — adaracyja Najśviaciejšaha Sakramentu (kaardynacyjnaja hrupa nastajacielaŭ i pradstaŭnikoŭ manaskich supolnaściaŭ)
• 6.00 — Boskaja Liturhija Hreka-Katalickaj Carkvy (bazylika, ałtar śviatoha Franciška)
• 7.00 — Hadzinki ab Biezzahannym Začaćci Najśviaciejšaj Panny Maryi
• 8.00 — śviataja Imša ŭ bazylicy (biskup Hrodzienski Alaksandr Kaškievič)
• 9.00 — Facimski ružaniec (Lehijon Maryi)
• 10.00 — tematyčnyja kanfierencyi:
• «Kaściolnyja ruchi ŭ jevanhielizacyi Biełarusi» (ajciec Andrej Avien OCD)
• «Intranizacyja Najśviaciejšaha Serca Jezusa — jubilej 125-hodździa» (Alina Novikava)
• 11.00 — śviataja Imša (celebruje Apostalski Nuncyj u Biełarusi arcybiskup Ante Jozič)
• na zakančeńnie — Eŭcharystyčnaja pracesija i intranizacyja: pryśviačeńnie Minska-Mahiloŭskaj Mitrapolii Najśviaciejšamu Sercu Jezusa (Staršynia KKBB arcybiskup Juzaf Stanieŭski)

Na praciahu ŭsiaho festu budzie mahčymaść ušanavańnia viernikami cudadziejnaha abraza Maci Božaj Budsłaŭskaj i malitvy pierad im.

Kamientary da artykuła