Žychara Bresta, jaki zrabiŭ zaŭvahu žančynie z trykałoram i Z, siłaviki prymusili prabačacca pierad rasijanami
Kanał, blizki da HUBAZiKa, apublikavaŭ videa z chłopcam.
Małady čałaviek kaža, što staŭ śviedkam kanfliktu pamiž dźviuma žančynami — adna ź ich niesła rasijski ściah z Z-simvolikaj.
U razmovie chłopiec nazvaŭ simvoliku rasijskaj ahresii «zału**j», što nie spadabałasia žančynie sa ściahami.
Na videa siłavikoŭ chłopiec prosić prabačeńnia ŭ žančyny, usich žycharoŭ Rasii i rasijskich vajskoŭcaŭ, jakija ŭdzielničajuć u vajnie suprać Ukrainy.
Blizki da siłavikoŭ kanał śćviardžaje, što chłopiec znachodzicca ŭ SIZA, i adpuskać jaho nie źbirajucca.
Čytajcie taksama:
Ksiandza z Šumilina nie vypuścili paśla 45 sutak, dali novy termin