Natalla Ejsmant pryznałasia, što mocna pachudzieła

I raskazała, jak u jaje heta atrymałasia.

Natalla Ejsmant u červieni 2024 hoda. Skrynšot BT

Pres-sakratarka Łukašenki Natalla Ejsmant u pieradačy «Skažyniemaŭčy» na BT raskazała pra svoj vopyt pachudzieńnia.

Ejsmant zaŭvažyła, što pytańnie pra toje, jak joj udałosia pachudzieć, joj zadajuć apošnija paŭhoda.

«Koratka. Siła voli i nijakaha machlarstva. Vielmi važny ŭnutrany nastroj. Važna skazać sabie: «Ciapier ci nikoli», jak vučyła [baleryna] Maja Plisieckaja. I ŭsio», — raskazała Ejsmant i dadała:

«Azirajučysia nazad, ja prosta ździŭlajusia, nakolki ŭ maim vypadku heta było nieskładana. Chacia napačatku zdavałasia prosta niepadjomnym. I ŭ mianie, jak va ŭsich, takich sprobaŭ było vielmi šmat».

Natalla Ejsmant u krasaviku 2023 hoda. Skrynšot BT

Dadamo, što złyja jazyki źviazvali pachudzieńnie pres-sakratarki Alaksandra Łukašenki z čaroŭnym dackim preparatam «Aziempik».

Kamientary da artykuła