Chłopiec u Kobrynskim rajonie skoknuŭ z tarzanki — i nie vynyrnuŭ
29 červienia na voziery Katašy ŭ Kobrynskim rajona patanuŭ chłopiec 1999 h. n.
Ilustracyjny zdymak. Fota: Wikimapia
Pavodle infarmacyi MNS, maładyja ludzi adpačyvali na bierazie voziera, skakali ŭ vadu z pryviazanaj da dreva viarovačnaj tarzanki. U niejki momant adzin ź ich nie vynyrnuŭ.
Siabry znajšli jaho na adlehłaści kala 2 mietraŭ ad bieraha na hłybini. Da prybyćcia bryhady chutkaj jamu akazvali pieršuju dapamohu. Ale miedyki, što pryjechali, kanstatavali śmierć.
Miesca, dzie adbyłasia trahiedyja, dla kupańnia nie abstalavanaje, paviedamlaje MNS.