Anhlija pa pienalci pieramahła Šviejcaryju i vyjšła ŭ paŭfinał Jeŭra-2024 VIDEA

Na stadyjonie «Mierkur Špil-Arena» ŭ niamieckim Dziusieldorfie prajšoŭ čverćfinalny matč čempijanatu Jeŭropy-2024 pamiž zbornymi Anhlii i Šviejcaryi. Dalej iduć anhličanie.

Fota: AP Photo/Martin Meissner

Asnoŭny čas matča skončyŭsia ŭničyju 1:1, pryčym abodva hały byli zabityja pad kaniec matča. Śpiarša šviejcarac Brel Embało zabiŭ vyznačyŭsia na 75-j chvilinie, ale praz 5 chvilin anhličanin Bukaja Saka adnaviŭ raŭnavahu. 

Dadatkovy čas da źmieny liku nie pryvioŭ i kamandy musili prabivać pienalci. U hetaj sieryi pieramahła Anhlija — 5:3. Usio vyrašyŭ adziny sejv anhlijskaha hałkipiera Džordana Pikfarda paśla debiutnaha ŭdaru ŭ vykanańni šviejcarca Manuela Akandžy.

Ciapier anhličanie zhulajuć u paŭfinale ź pieramožcam pary Niderłandy — Turcyja.

Kamientary da artykuła