Dyrektar Pałaca Respubliki: Hanarusia tym, što ja jabaćka i łukašyst
A jašče jon zachaplajecca Natallaj Kačanavaj — tym, što jana «vyrašaje zadačy, zastajučysia žančynaj».
Fota: Pałac Respubliki
Dyrektar Pałaca Respubliki Maksim Prychadoŭski raspavioŭ pra toje, z kaho ŭ žyćci biare prykład.
Jon śćviardžaje, što aŭtarytetaŭ vybiraje nie pa pasadach, a pa tym, što jon moža čerpać u čałavieka. Adnym z takich aŭtarytetaŭ jon nazvaŭ Łukašenku.
«Ja niejak čuŭ, u niejki peŭny čas, u nas ža jość hrubaja fraza — łukašyst tam, ci jabaćka. Ja skažu absalutna ščyra — ja vielmi hanarusia hetym. Tamu što jość prykład, jak treba. Jak treba da ŭsiaho stavicca, ščyravać 24/7», — zajaviŭ Prychadoŭski ŭ efiry STB.
Jon časta pytajecca ŭ inšych ludziej, što b jany rabili, kali b atrymali pasadu prezidenta.
«Što b vy zmahli zrabić, kab była takaja kraina, jakaja jość u nas? I ŭsie rezka nyrajuć uniz», — adznačyŭ dyrektar Pałaca Respubliki.
Jašče adnym prykładam dla Prychadoŭskaha źjaŭlajecca Natalla Kačanava.
«Heta treba być takoj žančynaj, u pieršuju čarhu, zastajučysia žančynaj, vyrašać vielizarnyja dziaržaŭnyja zadačy. Heta prykład dziaržaŭnaha dziejača», — padzialiŭsia jon.
I tolki zatym Prychadoŭski ŭspomniŭ pra inšyja prykłady dla siabie — maci i starejšaha brata.