U Osła biełarus kinuŭ dva kaktejli Mołatava ŭ karaleŭski pałac
U stalicy Narviehii Osła hramadzianin Biełarusi kinuŭ dva kaktejli Mołatava ŭ karaleŭski pałac. Pry zatrymańni ŭ jaho vyjavili jašče niekalki butelek z zapalnaj sumieśsiu. Nichto nie paciarpieŭ, piša Reform.news.
Skrynšot ź videa
Mužčyna kinuŭ samarobnuju zapalnuju sumieś u dźviery ŭ zadniaj častcy Karaleŭskaha pałaca.
«Zvonku ściany zzadu zamka ŭspychnuła połymia, ale ahoń byŭ chutka patušany», — paviedamlaje narviežskaje vydańnie nrk.no.
U momant incydentu ŭ zamku znachodziŭsia adzin z členaŭ karaleŭskaj siamji. Jon nie paciarpieŭ.
Palicyja, jakaja prybyła pa tryvožnym sihnale, zatrymała mužčynu na miescy zdareńnia. Jak udakładnili vydańniu ŭ kryminalnaj palicyi, zatrymany hramadzianin Biełarusi byŭ u vyšuku na zapyt palicyi Niderłandaŭ.
Čytajcie taksama:
U Miunchienie mužčyna zavabiŭ biełarusa dachaty i sprabavaŭ jaho zhvałtavać
U Hiermanii zafiksavany novy vypadak padmanu sa starymi biełaruskimi rublami