Biełarus prylapiŭ da siabie skotčam kuli i hilzy i sprabavaŭ viarnucca z Polščy — mytniki ŭsio znajšli
Jaho pavodziny padalisia dziŭnymi.
Fota: Mytny kamitet
Biełarus sprabavaŭ zavieźci z Polščy na radzimu 200 kul i 100 hilzaŭ. 49-hadovy mužčyna prachodziŭ mytniu ŭ punkcie propusku «Brest» pa zialonym kalidory, adnak niešta ŭ jaho pavodzinach naściarožyła mytnikaŭ. Jany adpravili biełarusa na dadatkovuju pravierku.
Jak akazałasia, na sabie mužčyna vioz kuli i hilzy na piać tysiač rubloŭ — jon prymataŭ ich da noh skotčam, jašče častku schavaŭ u abutku.
Akramia taho, mužčyna nie zadekłaravaŭ aptyčny pryceł, łazierny dalamier, trynohu da jaho, taktyčnyja džhuty. U vyniku ŭvieś tavar u biełarusa kanfiskujuć, pačaty administracyjny praces.
Partyju kul i hilzaŭ zatrymali taksama ŭ punkcie propusku «Kazłovičy». 55-hadovy biełarus schavaŭ skrynki z kulami amierykanskaj vytvorčaści ŭ technałahičnych nišach instrumientalnaj skryni ciahača svajho ciahača Mercedes. Ahulny košt kanfiskavanaha tavaru — bolš za 7 tysiač rubloŭ.