U Šatłandyi papuhaj uciok ad haspadyni. Amal praz dvoje sutak jaho znajšli ŭ radzilni, dzie toj viesieła baviŭ čas

Jarkaja chatniaja ptuška źbiehła (nasamreč — źlacieła) u noč na subotu. Jaje haspadynia rasklejvała płakaty i pisała tryvožnyja dopisy ŭ sacsietkach, a ŭ vyniku znajšła hadavanca za piać milaŭ u radzilni karalevy Lizaviety ŭ Hłazha, dzie ptuška jeła čypsy i hulałasia, piša News.sky.com Jarkaja chatniaja ptuška źbiehła (nasamreč — źlacieła) u noč na subotu. Jaje haspadynia rasklejvała płakaty i pisała tryvožnyja dopisy ŭ sacsietkach, a ŭ vyniku znajšła hadavanca za piać milaŭ u radzilni karalevy Lizaviety ŭ Hłazha, dzie ptuška jeła čypsy i hulałasia, piša News.sky.com 

Fota: Apsi Vitana

Džobi źbieh z kvatery na pieršym paviersie, kali jaho haspadynia vystupała sa svaim hurtom Brenda na viečarynie ŭ Paŭnočnym Eršyry (hrafstva na paŭdniovym zachadzie Šatłandyi).

Apsi Vitana kaža, što jana była ŭ rospačy. «Jon nikoli raniej nie źlataŭ, ja navat brała jaho na nievialikija ekskursii, naprykład, u Kuinz-park, jaki znachodzicca nie tak užo daloka».

Mis Vitana i jaje siabroŭka pačali rasklejvać abviestki i publikavać zakliki ŭ sacyjalnych sietkach. «Ja sapraŭdy straciła nadzieju, što jon vierniecca», — skazała jana.

Adnak pozna ŭviečary ŭ niadzielu z žančynaj źviazalisia miedsiastra i pacyjentka radzilni karalevy Lizaviety, jakija paviedamili, što Džobi znachodzicca ŭ pryjomnaj.

Pa ich słovach, da jaje prychodu Apsi hadavaniec «jeŭ čypsy i hulaŭsia», a da pryjezdu haspadyni navat prycharošvaŭsia.

«Ja sapraŭdy ščaślivaja, bo heta dakazvaje mnie, što jon — mocnaja ptuška», — kaža Apsi.

Pravioŭšy va ŭciokach kala 40 hadzin, Džobi viarnuŭsia dadomu.

Kamientary da artykuła