Z Maskvy ŭ Turcyju vylecieŭ bort Kiraŭnictva spravami prezidenta Rasii. Raniej jon braŭ udzieł u abmienach
Jość mierkavańnie, što abmien źniavolenymi ŭžo adbyŭsia na miažy Kalininhrada z Polščaj.
Tu-204-300 śpiecyjalnaha lotnaha atrada Rasii pad bartavym numaram RA-64059 vylecieŭ u Ankaru. Hety bort vykarystoŭvaje Kiraŭnictva spravami prezidenta RF.
Tym časam samalot An-148 z bartavym numaram RA-61727, jaki raniej vykarystoŭvaŭsia dla abmienu pałonnymi, i siońnia pryziamliŭsia ŭ Kalininhradzie, lacić u bok Murmanska, vynikaje sa źviestak servisu Flightradar. Murmanskaja vobłaść miažuje z Narviehijaj, piša Novaja hazieta Jeŭropa.
Raniej vykazvałasia zdahadka, što abmien źniavolenymi ŭžo adbyŭsia na miažy Kalininhrada z Polščaj.
An-148 raniej vykarystoŭvaŭsia pry abmienie Viktara Buta, Kanstancina Jarašenki i Nadziei Saŭčanki.