Ekśpiertku-psichołaha Volhu Vialičku zavočna asudzili da 9 hadoŭ kałonii

Hrodzienski abłasny sud 2 žniŭnia ŭ paradku śpiecvytvorčaści vynies prysud pa spravie ekśpiertki ŭ halinie psichałohii, byłoj dyrektarki dziciačaha chośpisa ŭ Hrodnie Volhi Vialički, piša «Viasna».

Sudździa Dźmitryj Bubienčyk pryznaŭ žančynu vinavataj pa šerahu kryminalnych artykułaŭ i pryznačyŭ joj dzieviać hadoŭ źniavoleńnia, a taksama štraf pamieram 12 000 rubloŭ.

Hrodzienski dziciačy chośpis, jakim jana kiravała raniej, likvidavany pa rašeńni miascovych uładaŭ, a sama Volha sa śniežnia 2020 hoda žyvie za miažoj i praciahvaje pracu pa raźvićci sistemy palijatyŭnaj dapamohi dzieciam i darosłym.

Niadaŭna Vialička vydała knihu pra śviet vačyma dziaciej palitviaźniaŭ «Ad dvuch da piatnaccaci. Maja mama ŭ turmie».

Kamientary da artykuła