Kadyraŭ zajaviŭ, što całkam zdarovy, i staŭ adciskacca na kamieru
Kiraŭnik Čačni Ramzan Kadyraŭ adznačyŭ, što ŭ jaho tolki byŭ «krychu źnižany vitamin D».
Ramzan Kadyraŭ. Skryn videa «Rasija-1»
Kadyraŭ raskazaŭ na telekanale «Rasija-1», što prytrymlivajecca relihijnych narmatyvaŭ, pravilna charčujecca, a ranicaj u jaho fizkultura.
«Kožnyja try miesiacy pravodžu abśledavańni, apošni raz krychu źnižany byŭ vitamin D», — pachvaliŭsia jon.
Paśla ŭ efiry pakazali kadry, jak kiraŭnik Čačni kala 30 razoŭ adcisnuŭsia.
Ramzan Kadyraŭ (u śvietłym kaściumie) staŭ adciskacca na kamieru. Skryn videa «Rasija-1»
Kadyraŭ adznačyŭ, što ciapier zajmajecca mienš unutranymi spravami Čačni i bolš vajnoj.
I prakamientavaŭ čutki pra svaje chvaroby:
«Jany prydumvajuć dla taho, kab u nas u respublicy byŭ šum, panika. Im nie padabajecca, što paślavajennaja respublika stała na nohi».
Nahadajem, «Novaja hazieta Jeŭropa» publikavała rasśledavańnie pra surjoznuju chvarobu Kadyrava — niekroz padstraŭnikavaj załozy. Žurnalisty pisali, što Kadyraŭ traplaŭ u stanie komy ŭ reanimacyju.
Čytajcie taksama:
«Raniejšaha lidara ŭžo nie budzie». Ramzan Kadyraŭ nievylečna chvory
Čatyry žonki Ramzana Kadyrava, jakija naradzili jamu 14 dziaciej: chto jany