Vałanciora «Viasny» Andreja Čapiuka źmiaścili ŭ ŠIZA za dzień da spatkańnia z baćkami
Palitviazień Andrej Čapiuk z sakavika 2023 hoda adbyvaje termin u ivacevickaj kałonii № 22.
16 žniŭnia ŭ Andreja musiła adbycca spatkańnie z baćkami ŭ kałonii, ale 14 žniŭnia jaho na 10 dzion źmiaścili ŭ štrafny izalatar. Pryčynaj stała «parušeńnie formy adzieńnia». Viaźniam u ŠIZA zabaraniajucca praciahłyja i karotkaterminovyja spatkańni, tamu nieviadoma, kali Andrej zmoža pabačycca z baćkami ŭ nastupny raz, piša «Viasna».
U vieraśni 2022 hoda Andreja Čapiuka asudzili na šeść hadoŭ kałonii.
Jaho abvinavacili pavodle č. 1 art. 13 č. 2 art. 293 KK (padrychtoŭka da ŭdziełu ŭ masavych biesparadkach), č. 2 art. 285 (udzieł u złačynnaj arhanizacyi), č. 1 art. 130 (raspalvańnie inšaj sacyjalnaj varožaści), art. 341 KKKK (apahańvańnie zbudavańniaŭ i psavańnie majomaści — za hrafici suprać Jeŭrapiejskich hulniaŭ u 2019 hodzie).
Paźniej Viarchoŭny sud skaraciŭ jamu termin na try miesiacy — da piaci hadoŭ i dzieviaci miesiacaŭ źniavoleńnia.
Miesca ŭtrymańnia Andreja:
PK № 22. 225295, Bresckaja vobłaść, h. Ivacevičy, st. Damanava, a/s 20
Čytajcie taksama:
Ihar Alinievič u červieni trymaŭ haładoŭku ŭ ŠIZA
55-hadovamu biznesmienu Jahoru Vołkavu prysudzili try hady kałonii za danaty i ŭdzieł u pratestach
Palitviaźnia, jakoha raniej vyzvalili pa amnistyi, asudzili da dvuch z pałovaj hadoŭ kałonii