Hiermanija pierakidvaje da hranicy ź Biełaruśsiu bolš za 650 adzinak vajskovaj techniki
Va Uzbrojenych siłach Litvy paviedamili, što niamieckaja bryhada 19 žniŭnia pačała pierakidvać bolš za 650 adzinak techniki da litoŭskaha horada Pabradzie, što niedaloka ad miažy ź Biełaruśsiu.
U Litvu na vučeńni prybyvajuć vajskoŭcy niamieckaj bryhady. Fota: kariuomene.lt
Miascovych prosiać nie pałochacca, kali ŭbačać vielizarnuju kałonu vajskovaj techniki pad Vilniaj. Heta padrychtoŭka da maštabnych vučeńniaŭ
Pavodle Minabarony Litvy, z 19 da 22 žniŭnia vajskovaja technika 21-j bryhady niamieckaj bryhady padvyšanaj pilnaści budzie ruchacca pa darohach Litvy ad polskaj miažy da palihona ŭ Pabradzie.
U ramkach vučeńniaŭ Grand Eagle-2/24 niamieckaja bryhada pierakinie ŭ Litvu pa sušy i mory bolš za 650 adzinak vajskovaj techniki, udakładniaje pres-słužba litoŭskaha vojska.
Meta vučeńniaŭ siarod inšaha — vyznačyć, nakolki chutka Bundeśvier zmoža pieraraźmierkavać svaje siły i dałučycca da litoŭskaha vojska dla abarony terytaryjalnaj cełasnaści Litvy.