Mytnikam iznoŭ zakarcieła pačytać
11 lutaha na pamiežnym pierachodzie Bieniakoni na miažy ź Litvoj na 5 hadzin zatrymali aŭtamabil z sustaršyniom Biełaruskaj Chryścijanskaj Demakratyi Alaksiejem Šeinym i lideram Maładoha Frontu Źmitrom Daškievičam.Pra heta paviedamlaje pres‑słužba BCHD.
Hałoŭny inśpiektar Ašmianskaj mytni Jaŭhien Žych zahadaŭ zabrać na ekśpiertyzu šeść dyskaŭ ź filmam «Zabaronieny Chrystos», adzin asobnik knihi «Maładafrontaŭcy» i brašuru pra dziejnaść Jeŭrapiejskaha Chryścijanskaha palityčnaha ruchu.
U pratakole paznačana, što hetyja materyjały buduć vyvučacca nakont utrymańnia ŭ ich źviestak, jakija mohuć abražać honar i hodnaść Respubliki Biełaruś.
Dakumientalny film «Zabaronieny Chrystos» raspaviadaje pra supraćstajańnie savieckaj sistemy i jevanhielskich viernikaŭ u BSSR. U film uvajšli śviedčańni chryścijan, jakija prajšli savieckija turmy, a taksama ŭnikalnaja antychryścijanskaja kinachronika časoŭ BSSR.
Mytniki kanfiskoŭvali niezaležnyja vydańni i ŭ 2006—2009 hadach. U Horadni j Bieraści byli navat sproby dabicca abviaščeńnia niekatorych skanfiskavanych materyjałaŭ ekstremisckimi, ale sudy nie dali im chodu.