U rasijskim Čalabinsku śviataru zabaranili słužyć za admovu čytać malitvu «ab pieramozie śviatoj Rusi»
Piatru Uścinavu inkryminavali try złačynstvy, ale hałoŭnym stała toje, što jon nie staŭ čytać malitvu «ab pieramozie śviatoj Rusi», piša telekanał «Dožd́».
«Śviatoj moža być asoba, jakaja žyvie ŭ zhodzie z volaj Božaj, ale nijak nie historyka-kulturnaje, ciapier nieisnujučaje dziaržaŭnaje ŭtvareńnie ŭschodnich słavian IX stahodździa. Pa-druhoje, kali pad śviatoj Ruśsiu razumiejecca niejkaja kankretnaja kraina, a pad pieramohaj — źniščeńnie jaje palityčnych vorahaŭ, to carkva, jakaja pa vyznačeńni paza-nacyjanalnaja, nie moža zaklikać adnych svaich dziaciej źniščać inšych svaich dziaciej, i ŭžo tym bolš prasić na heta dapamohi ŭ Niabiesnaha Ajca», — zajaviŭ jon.
Akramia taho, Uścinava abvinavacili ŭ vykarystańni ruskaj movy ŭ nabaženstvie. Sam jon patłumačyŭ heta tym, što bolšaść viernikaŭ nie razumieje carkoŭnasłavianskuju.
Jašče adnoj pryčynaj dla zabarony ŭ słužeńni stała prymianieńnie Uścinavym adnarazovych łyžak dla pryčaščeńnia.