Pomnik na mahile mastački Aleny Kiš imkliva razburajecca
Skulpturnaja kampazicyja «Dziaŭčyna ŭ čoŭnie», ustalavanaja na mahile mastački ŭ vioscy Papoŭcy Kapylskaha rajona, znachodzicca ŭ avaryjnym stanie. Kab zachavać admietny mastacki pomnik, patrebny terminovyja restaŭracyjnyja pracy, piša «Budźma».
Skulpturnaja kampazicyja «Dziaŭčyna ŭ čoŭnie» — dypłomnaja praca mastaka Uładzimira Łamiejki. Jana była ŭstalavanaja ŭ 1996 hodzie da 100-hodździa z dnia naradžeńnia mastački.
Pomnik na mahile Aleny Kiš, vierasień 2024 h.
Kampazicyja składajecca z pastamienta ŭ vyhladzie račnych chvalaŭ, ułasna čoŭna, i simvaličnaj fihury dziaŭčyny, što lažyć u im. Nadhrobak byŭ razmalavany ŭ tradycyjnych kolerach dyvanoŭ talenavitaj mastački.
Kałaž: jak vyhladaŭ pomnik raniej i jak vyhladaje ŭ vieraśni 2024 hoda
Ciapier jaho stan avaryjny — farba amal źnikła, a sam pomnik paškodzili vilhać i marazy — skraznaja raskolina idzie praz uvieś korpus. Jašče kolki chałodnych siezonaŭ — i ŭ siońniašnim vyhladzie jon budzie niezvarotna stračany.
Treščyna na pomniku na mahile Aleny Kiš, vierasień 2024 h.
Da novych «kruhłych» dataŭ, kali dziaržava, mahčyma, uzhadaje mastačku, pomnik nie datryvaje, i tolki apieratyŭnyja restaŭracyjnyja pracy dazvolać zachavać admietnaje nadmahille.